“Дьокуускайдааҕы норуоттар икки ардыларынааҕы чинчийэр оскуола” бастакы түhүмэҕэ түмүктэннэ

Саха сирин дьоҕус академиятын ректора Василий Павлов

Саха республикатын Билим дьоҕус академиятын ректора Василий Климович Павлов “Дьокуускайдааҕы норуоттар икки ардыларынааҕы чинчийэр оскуола” түмүктэммитин туhунан Саха национальный вещательнай хампаанньа “Эрдэhиттэр” диэн сарсыардааҥҥы бэрэдээчэтигэр биллэрдэ.

Ол гынан, бу ыытыллыбыт оскуола бастакы ыраахтан салайыы кэрдииhэ бүппүтүнэн өрөспүүбүлүкэ араас улуустарыттан, Дьокуускай, Нүөрүнгүрү, Миирнэй курдук куораттартан оҕолор кытыннылар. Иилээн-саҕалаан кинилэр чинчийэр үлэлэрин, сорохторо наукаҕа бастакы хардыыларын салайа сырыттылар тьютордар, республикабыт биллэр учуонайдара, наукаҕа сыста сибээстээх дьонноро.

Итинник, Zoom видеокэмпириэнсийэ сибээс өҥөтунэн, оҕолор 10 күн устата ыыппыт үлэлэрин сырдаттылар, экспертнай бөлөх иннигэр көмүскээтилэр, ыйытыыларга хоруйдаатылар. Наука араас уобаластарын чинчийиигэ, өрөспүүбүлүкэбит үөрэнэччилэрэ дьоҕурдарын, билии-көрүүгэ талаһыыларын көрдөрөн, Саха сирин айылҕатын туһунан өссө дириҥник билистилэр. 

“Тоҕус хайысханан оҕолор үлэлээтилэр. Бу ыыппыт үлэлэрэ уопсай баазаҕа киирэн, кинилэр салҕыы үөрэххэ киириилэригэр улахан өҥөлөөх буолуо”, — диэн биллэрэр Саха республикатын Билим дьоҕус академиятын ректора Василий Павлов.

Этиэххэ ирдэнэр, “Норуоттар икки ардыралынааҕы чинчийэр оскуола” биһиги өрөспүүбүлүкэбитигэр төрдус төгүлүн ситиһиилээхтик тэриллиннэ.